الBig Data و الData mining

اليوم غادي نشرحو شناهيا ال Big Data أو التصرف في كمية لا حد لها من المعطيات، باش تفهموني علاش كندوي، اقراو معايا التالي :

* كل شهر يتزاد في فايسبوك 30 مليار محتوى جديد (ستاتيات، فيديووات، تصاور...)
* شركة zynga social games الي خلقت الألعاب كيما Farm ville و Mafia wars... خاصها تتصرف في مليون جيغابايت من معطيات اللاعبين كل يوم
* كل يوم البشر عبر العالم كيتفرجو في 2 مليار فيديو على YouTube
* يعني كل شهر 220 مليار عملية بحث على google
* من عام 2008 عدد الماكينات المرتبطة بإنترنت ولات كتر من عدد البشر العايشين على وجه الكرة الأرضية

الحجم المهول لهده المعطيات ، وقع استغلاله من طرف شركات الذكاء الرقمي عن طريق des logiciels ديال تحليل المعطيات الكبرى باش يفهمو تصرف الناس و أفكارهم و ميولاتهم و حاجاتهم و من هذا الكل يستنتجو خدمات و منتوجات جديدة يبيعوها لمليارات الناس، ممكن كلام في المطلق يظهرلكم عام لكن تصورو شركات بحال فايسبوك، وصلات كتحلل معطياتكم بالتفصيل، شنوا الصفحات الي عزاز عليك، اصحابكم، شنوا الفيديووات الي كتفرجو فيهم، أكثر ناس تتحدثو معاهم، اعماركم، تصاوركم، لبلايص الي لمشيولهم، كل نفس تتنفسوه، منبعد فايسبوك كيبيع المعلومات لشركات أخرى و لو بطريقة غير مباشرة، مثلا يسمح لشركة تبيع منتوج معين أنها تعمل publicité عند الفاسبوكار الي من حيث أعمارهم و الحوايج الي يحبوها ممكن يستهلكو المنتوج واحد تلمنتوج معين... Google تعرف كل واحد فينا شناهية الحوايج الي لدخل ليها عندهم، و تدريجيا، انت مجرد تبدأ تكتب في الكلمة و هو يهبطلك المواقع الي تنتا كتقلب عليها،
معرفة ميولات الناس و أدق تصرفاتهم وقع تحويلها لأموال و صفقات بمليارات الدولارات (250 مليار دولار متوقعة خلال ال4 سنوات القادمة).

الخلاصة، عنداكم تظنو ان فايسبوك فابور و google فابور و YouTube فابور، رابحين رابحين على طول الخط، و تهناو عمرهم ما غادي كونو بالفلوس حينت ديجا كياخذو من عندكم في أغلى حاجة :
معلومات مفصلة على حياتكم يقومون بتحويلها لمليارات الدولارات

@soufiane_derouech