من الاسئلة المطروحة حول الضومين هو الفرق بين الفن والتصميم !!! كيفاش غنفرقو بين مهارات الفن ومهارات التصميم !!! وشكون هو الفنان والمصمم ...

الفنانين كيتميزو في انهم يفعلون ما يفعلونه لتلبية الرغبة لديهم في الابداع والخلق، والرغبة في التعبير عن مشاعرهم وافكارهم الخاصة . والعمل ديالو تعطينا فكرة عن ما في أذهانهم. 
اما المصممين فغالبا كيصممو داكشي من اجل الاخر. ، غايتهم فقط ان تنال اعجاب المتلقي.. حتى انه قد لا يستفيد او يستعمل هدا التصميم اصلا. وهذا يعني أن المصمم ديما كيدير بلاصتو فبلاصت لاخور وكيشوف واش غيعجبو داك التصميم او لا, بلا ميتسوق ل الأنا ديالو.. و بالطبع، كل مصمم عندو توقيع خاص بعمله، ولكن هذا التوقيع ماعندو علاقة بالنتيجة النهائية .. عكس الفنان, كتلقا الاعمال ديالو كتباع على ود الشهرة لي عندو .
التصميم كيحاول يسهل لينا الامور وكيحاول يحل المشاكل .. التصميم الواعر هو لي خلى الهواتف يكون عندها داك الشكل بعد ما كانو قد البلغة .. وايضا التصاميم هي لي خلاة التيكنولوجيا تتقدم اكثر .. اما بالنسبة للفن فالعكس .. الفن فيه تعقيدات وغموض .. يعني مثلا صعيب تلقى عمل فني يتافقو عليه جوج .. ديما كل واحد كيف كيشوفو و كيفهمو .
كيعتقد الناس ان هناك خط رقيق كيفصل بين الفن والتصميم، بينما في الواقع كاين فجوة هائلة بين الفن والتصميم.وهادشي يمكن ملاحظته في جميع جوانب حياة ديال المصمم عكس اسلوب الحياة لي كيعشها الفنان. المصممين كيعجبهوم كلشي يكون مقاد ونقي ومستيلي. مكيحملش التعقيدات .. خاصو كلشي يكون واضح ومبسط.. اما الفنانين مساكن ههه عندهوم كلشي محنسر,كيرتاحو في الفوضى وماتقدرش تعرف نمط ديال حياتهم ... اغلب المصممين كيتبعو الوظيفة والقوانين واما الفنانين فكتبعو راسهوم والقوانين ديالهوم .
ورغم كل هده الفوارق كيتلاقاو في واحد النقطة ولي هي .. المصمم قادر ينتج عمل فني والفنان قادر يخرج تصميم جميل .