سلام عليكمم كريييتفزز.
حنا كامليييين بغبنا نوصلو او نحققو داكشي لي بغيييينا ،او هادشي عادي من حق اي واحد احلم. حيت كولشي قادر اوصل لداكشي لي بغا، او عمركم تخليو شي واحد اكوليكوم العكس . المشكل هو بزاف ديال الناس ماكيتخطاوش المرحلة الاولى لي هي الحلم وي اجيو للمرحلة الحقيقية لي هي التطبيق ، راه بالرجولة انغوليكوم وخا تبقاو تحلمو اولا تقراو كتوبا الا ماكنتوش كاتابليييكيو داكشي لتعلمتو ماغتزيدوش القدام .
البلان هو كانلقاو اغلبية ديال الطلبة كايقراو داكشي لي عليهوم فقط او هادشي م
اكافيش ،بحيت كاتلقا طلبة او خرين كايقراو او داخلين لي كلوب او الجمعيات او كايديرو العمل الجمعوي او الانتخوبخوناغيا صوصيال بحال اناكتيييس اولا جمعية رواد المغرب الشباب،ايسيك……. مهم كاينييين بزاف.زيد علا هادشي كايحضرو ليزييفيينمو او ليسيمييينيير ، عكس الطلبة العادييين او هنا كايتعلمو بزاف ديال الحوايج لي كاتكون شخصيتهوم، او كايتلقاو مع ناس جداد او الريزو صوصيال ديالهوم كايزيد اكبر .او هادشي كايعاونهوم مستقبلا اوصلو لدكشي لي بغاو.
ليوما غادي نشارك معاكوم بعض المواقع لي كايكون فيها اعلان على فرص او ورشات اوحتى المنح اولا ليستاج او برامج رائعة للشباب او الطلبة اولا اي واحد مهتم باش اطور راسو في مجال ديالو ، او اطور حتى القدرات القيادية ديالو او زيد او زيد ، او هاد الفرص كايكونو حتى برا المغرب ،و صراحة اغلبية ديالهوم برا المغرب او الواعر في هادشي اغلبية ديال هاد البرامج كايكونو ممولين بالكامل ، بالعربية فاااابليكيييي كولشي على حسابهوم.و تخيلو معايا التجربة لي غادين تعيشو اولا ناس لي غادين تلقاو اولا داكشي لي غادي تعلمو.
المهم كانغول للناس او خصوصان الطلبة قرايا بوحدها ماكافياش ، نخرطو في النوادي لي عندكوم في المدارس ديالكوم اولا الجمعيات حيت كايخلقو للطالب فرصة فين اتعلم اويعبر او اتحدى راسو ،او حضرو لاي حاجة اتنفعكوم اولا اتخليييكوم تلقاو ناس جداد.من اللخر لبغيتو توصلو خاصكوم ديرو مجهود او غتانمو اي فرصة باش طورو ريوصكوم ، او بعدو على لي غادي اعكزكوم و كوووووود لاك.
http://foras4all.com/
http://www.for9a.com/
http://www.heysuccess.com/
https://ma.usembassy.gov/…/exchanges-progr…/youth-programs/…
http://youthop.com/
http://youthhubafrica.org/
Commentaires
Enregistrer un commentaire