#CB_Information
بلا شك كاينة واحد الفئة من الناس لي كاتبغي القهوة بزااف لدرجة انهوم يقدو يستهلكوها اكثر من 3 د المرات 😅 المهم ليوما جبت ليكوم واحد الموضوع كايهضر على واحد النوع من القهوة ،، هاد القهوة سميتها قهوة "رغبة الموت" او "تمني الموت" او "Death wish coffee" هاد القهوة هادي بانت سنة 2012 من طرف شركة أمريكية و لي شاركات بيها ف واحد المسابقة تحت اسم "عمل صغير لعبة كبيرة" و الشيئ لي خلاها تحقق الفوز ف المسابقة والشهرة الواسعة و ايضا حققات مبيعات كبيرة و كثيرة ف العالم و لحد الآن كاتعتابر اقوى قهوة في العالم لان لحد الان حتا قهوة مابانت موراها لي تنافسها و لي تكون اقوى منها .
#ما_الغريب_ف_هاد_القهوة؟
ان حوالي كوب متوسط من هاد القهوة،كايحتوي على معدل 650,4 مليغرام من مادة الكافيين أي ما يناهز 200% من الكافيين الموجود ف كوب من القهوة العادية لي كانعرفو . و لكن الأكثر غرابة هو أن لا يمكن لاي شخص في العالم ان يتناول كوب واحد من هاد القهوة هادي ماشي بسبب الثمن ديالها و لكن مايمكنش لشي واحد يتحمل العواقب ديال شرب هاد القهوة ف الايام الموالية ليه.ف بحيت قلنا ان كوب واحد منها كايتوفر على ما يناهز 200% من مادة الكافيين المتواجد بكوب القهوة العادية ف هذا يعني ان تاثير كوب واحد منها يعادل تاثير ضعفي اكواب القهوة العادية.
#مناش_مصنوعة_هاد_القهوة؟
كاتميز هاد القهوة بانها مصنوعة من نواد طبيعية 100% و ماكاتوفرش على أي مواد كيميائية كما انها كاتساعد على الشعور باليقظة طيلة الفترة لي كايتم فيها تناولها و كاتقدر توصل حتال 48 ساعة بسبب نسبة الكافيين المرتفع لي فيها.
#واش_كاتسبب_الادمان؟
الشركة المصنعة لهاد الصنف من القهوة كتبت على عبوة القهوة انها عالية التاثيرHighly Addictive و هذا من اجل تحذير جانبي للمستعملين ليها بحيت يمكن يتصاب المتناول لهاد القهوة ب الادمان و السبب كايرجع لكون ان تناول كوب واحد منها كايعطي تاثير مضاعف هو لي كايخلي الانسان يتصاب بالادمان .

كانتمنا تكونو خديتو فكرة 😇 على هاد القهوة هادي
Dounia Benharrate