السلام عليكم أهل لcréatives، غنتكلمو اليوم، حول كيفية زراعة النعناع فالبيت. الحل ساهل و بسيط هو عندنا 2 د الإختيارات، إما غنزرعو الزريعة ديالو طريقة كتخد الوقت، إما كنزرعو لقصبة ساق أوجدع سموها كيما بغيتو، هي طريقة أسرع خاص غير تكون ساق لخترنا مزيانة مفيهاش آثر الإصفرار أو شي مرض.
فكلتا الطريقتين، كنزرعو فإناء ممكن إكون مخصص للزراعة أو مزهرية من صنع الخاص، كنعمرها بالتراب من الأحسن إكون من النوع بني اللون حيت كيكون غني بالمواد لكتحتاجهم النبتة. فحالة إلدرنا الزريعة منغرقهاش بزاف أنستعملو إناء صغير. فحالة الساق نزرعو فالتراب1/3 ديال طول دالساق بعد قطع الأوراق خاصة السفلية (الصورة).
نوضعو الإناء فمكان مشمس ولكن مكضربش فيه أشعة الشمس مباشرة حيت غيتحرقو الأوراق، فالأيام المعتدلة ممكن نسقيو 3-4 مرات فالإسبوع، و يوميا فأيام الصيف.
كل عام نقد نقطع الأوراق على حساب الحاجيات ديلنا ولكن كلما نقسنا فالعام الأول كلما كانت الإنتاجية كبيرة من بعد، نختارو الوراق الكبار باش النبتة تشعب كتر. أكلى عام فاش النبتة تكبر خاصنا نبدلوها لإناء أكبر. هد الطريقة صالحة لآزير فليو وباقي الأعشاب الطبية.