#النيازك_les_météorites
#CB_astronomy
#CB_infos

السلام عليكم ;)

كنت شفت شي اخوة لاحو شي تساؤلات على النيازك و بغيت نبارتاجي معاكم داك شوية لي كنعرف بحكم دومين ديال القراية هو الجيولوجي...
صراحة موضوع النيازك خاصو كتاب بوحدو :) ولكن غادي نحاول منطولش عليكم و نعطيكم الخلاصة :)
Météorite النيزك أو
هو عبارة عن واحد الجسيم كاين في المجموعة الشمسية في واحد المنطقة كتسما بحزام الكوكيبات
Ceinture d’astéroïdes
وكاينا بين المريخ و المشتري و فيها تجمعات ديال الحجر بأحجام مختلفة و هو أهم مصادر النيازك لي كاطيح في الارض و بعض العلماء ديال هاد الدومين تايكولو بلي أيضا أصلها من جا من اصطدام الاجرام السماوية بالكواكب و هو لي تيخلف بعض الشظايا و بفعل وزنها لي تولي خفيف تاتنجادب للكواكب (الجادبية و داك الشي) و منهم كوكب الأرض ليتايجبدها و كادخل في الغلاف الجوي بواحد السرعة كبيييررةة بزااف و كتحتك مع الهواء و بالتالي كاتزاد الحرارة ديالو و هذا كاينتج عليه احتراق في القشرة الخارجية ديال النيزك, و هنا كاينين جوج ديال الحلات : الا كان صغير كيتحرق كامل قبل مايوصل الأرض وتيخلي غبار نيزكي (لي تابقا واجد المدة في الغلاف الجوي وتيأتر على المناخ وشحال من لعيبة) و هذا هو لي كايتسما شهاب (غادي تكونو شفتو شي نهار بحال شي خط ديال العافية في السما :) ), الحالة الثانية لي هي فاش تايكون شوية كبير واحد الجزء منو تيصطدم بالأرض حيتاش الجزء لاخور داب بفعل الحرارة. (شفتو دور الغلاف الجوي شحال مهم). و لكن راه كاين واحد نوع ثالث نسبة تاعو قليلة هو لي تايدخل من واحد الاتجاه و تايخرج من اتجاه اخر.
دابا ندوزو لهاداك لي تايصطادم بالأرض لي هو موضوعنا. مباشرة بعد الاصطدام النيزك تيبرد بسرعة و تتشكل واحد القشرة ناتجة على هاد التبريد كاتسما
La croute de fusion
وهاد الاصطدام تيتسمع من مسافة كبيرة مؤدي لواحد هزة خفيفة إلكان شوية كبير 3كلغ لفوق وغاليا كيتشتت.

دابا واش في راسك بلي المغرب معروف بالنيازك على المستوى العالمي, ففي جميع المتاحف غادي تلقا فيهم نيازك مغربية او بسمية ديال دوار ولا لمدينة فين تلقا أول مرة.

وربما سمعتو بلي النيازك كاينين غير في الصحرا. الجواب بطبيعة الحال هو لا, فالنيازك كيطيحو فلبلايص كاملين و عدد كبير تيطيح في المحيطات, ولكن الصحرا (وتا المناطق الجليدية) شوية ساهلا باش تلقاه وهو المكان لي تايحافظ عليهم حيتاش الما ماكاينش, مثلا نيزك طاح فشي منطقة مثل شمال المغرب أول حاجة صعيب باش تلقاه حيتاش الشتا كتأدي للتغيير كيميائي فالقشرة تاعو و تابان بحال حجر عادي أرضي. Altération chimique

ندوزو دابا لكيفاش نعرفوهم :
أولا الشكل ديال النيازك
أغلب أنواع النيازك تايشبه الحجر العادي مثلا
Hématite et Magnétite et Goethite...
هوما حجر عادي و تايشبهو للنيازك و لكن كاينا واحد لعيبا باش تميز بيناتهم
وهي غادي تشد طرف ديال البديع بيض غادي تحكو معا الحجر الى عطاك لاتراس
خط حمر او بني هداك راه
Hématite
عادي, الى عطاك تراس كحل هداك
Magnétite
تاهو عادي و الى ماعطاك تا تراس أو تراس خفيف بحال قلم الرصاص يمكن يكون نيزك. (هاد شي راه ماشي سحر راه العلم ;) تفسير بسيط مثلا
Hématite
فيها ذرات دبال الحديد مصدي
fer oxydé
لي تيخلي خط حمر ديال صدا)
ثانيا المغناطس أغلب النيازك فيها عنصر الحديد بالتالي كايجبدها المعناطيس ولكن ماتنساوش بلي

hématite o magnétite etc...
تاهوما فيهم الحديد.
و كاين أنواع نيازك مهمة لي ماتايجبدهاش المغناطيس (دابا هادي هي الروينة)

ثالثا بعض النيازك لي باقا جديدة تاتبقا فيها ديك القشرة
croute de fusion
لي دوينا عليها, وتايكونو فيها بحال اثار ديال الاصطدام.
رابعا النيازك تقييييلة بزااف
très dense
وخا التريكيبة الكيميائية ديالها كاتشبه لديال للحجر العادي و لكن تايختالفو في الكمية مثلا النيازك غنية بالنيكل
nickel
لي هو تقيييييل.
وباش تتأكد أنه نيزك %100 لابد من تحليل في المختبر لي تايعطك واش نيزك أولا ويلا كان تايعطك تا النوع ديالو (تجنبت ندوي على تصنيف النيازك حيتاش خاصو دروس بوحدهم حيتاش تيصنفوهم بمعيايير كيميائية), بالنسبة المغرب حسب العلم ديالي كاين واحد المختبر في أكادير (جامعة ابن زهر) و تنظن كاين تافالدار البيضاء (كلية العلوم عين الشق).
صراحة مابغيتش ندوي على الثمن ولكن غير باش تشدو فكرة عامة بين
7dh ---->5000dh par gramme حسب النوع والنذرة ديالهو.

ولكن لاش غالين ؟ الجواب هو كيفما كتعرفو العالم الان متعطش باش يعرف الفضاء و أسرارو, اذن المختبرات العالمية خاصهم المزيد و الجديد...
بالنسبة للناس لي تيبحتو فهاد الضومين قلااااااال بزااااااف في المغرب و هادي حاجة مامزياناش حيتاش متيزعموش عليه و شوية مكلف
...
المهم سمحو ليا لكثرت عليكم و لكن درت مافي جهدي باش نلخص ليكم... نقدر نكون نسيت شيحاجا أولى شي حد عندو شي انتقاد... مرحبا
By: Mehdi Jouhari